පරිසර ආරක්ෂණ බලපත්‍ර සේවා

2022.01.27 දිනැති අංක 2264/18 දරණ ගැසට් නිවේදනයේ 'ඈ' කොටස යටතේ පරිසර ආරක්ෂණ බලපත්‍ර නිකුත් කළ හැකි කර්මාන්ත

• සේවක සංඛ්‍යාව 10 ක් හෝ ඊට වැඩි පිරිසක් සේවයේ නියුක්තව සිටින ඉටිපන්දම් නිෂ්පාදන කර්මාන්ත.
• සේවක සංඛ්‍යාව 5ට අඩු පිරිසක් සේවයේ නියුක්තව සිටින බතික් කර්මාන්ත.
• සේවක සංඛ්‍යාව 5ට අඩු පිරිසක් සේවයේ නියුක්තව සිටින වාණිජ මට්ටමේ රෙදි සෝදන ස්ථාන(ලොන්ඩ්‍රි).
• රෙදි වියන යන්ත්‍ර මැෂින් 10ක් හෝ ඊට වැඩි සංඛ්‍යාවක් සහිත අත් යන්ත්‍ර පෙහෙකම්හල් හෝ ගෙතීමේ හෝ එම්බ්‍රොයිඩර් කිරීමේ කර්මාන්ත.
• දිනකට ලීටර් 200ට අඩු නිෂ්පාදන ධාරිතාවක් සහිත වාණිජ මට්ටමේ පොල්තෙල් නිස්සාරණය කිරීමේ කර්මාන්ත.
• පොල්තෙල් සහ ආයුර්වේද තෙල් නිස්සාරණය කිරීමේ කර්මාන්ත හැර දිනකට ලීටර් 10 කට අඩු නිෂ්පාදන ධාරිතාවක් සහිත වාණිජ මට්ටමේ ශාක තෙල් නිස්සාරණය කිරීමේ කර්මාන්ත.
• දිනකට ලීටර් 100 කට අඩු නිෂ්පාදන ධාරිතාවක් සහිත මධ්‍යසාරමය නොවන බීම වර්ග නිෂ්පාදනය කිරීමේ හෝ බෝතල් ගත කිරීමේ කර්මාන්ත.
• දිනකට කිලෝග්‍රෑම් 500ක් හෝ ඊට වැඩි නිෂ්පාදන ධාරිතාවක් සහිත වියළි සැකසුම් ක්‍රියාවලි සහිත වී මෝල්.
• මසකට කිලෝග්‍රෑම් 1000 කට අඩු නිෂ්පාදන ධාරිතාවක් සහිත ඇඹරුම්හල්.
• සේවක සංඛ්‍යාව 10 හෝ ඊට වැඩි සහ 25ට අඩු පිරිසක් සේවයේ නියුක්තව සිටින දුම්කොළ වියළීමේ කර්මාන්ත හෝ දුම්වැටි හෝ දුම්කොළ ආශ්‍රිත වෙනත් නිෂ්පාදන කර්මාන්ත.
• එක් තොගයකට කිලෝග්‍රෑම් 250 හෝ ඊට වැඩි යෙදවුම් ධාරිතාවක් සහිත සල්ෆර් දුම් ගැසීම සහිත කුරුඳු දුම් ගැසීමේ කර්මාන්ත.
• සේවක සංඛ්‍යාව 5කට වැඩි පිරිසක් සේවයේ නියුක්තව සිටින ආහාරයට ගන්නා ලුණු ඇසුරුම් කිරීමේ සහ සැකසුම් කිරීමේ කර්මාන්ත.
• සේවක සංඛ්‍යාව 5 ට වඩා වැඩි පිරිසක් සේවයේ නියුක්තව සිටින වාණිජමය තේ මිශ්‍ර කිරීමේ/මුහුවම් කිරීමේ කර්මාන්ත.
• සේවක සංඛ්‍යාව 5ක් හෝ ඊට වැඩි සහ 10 ට අඩු පිරිසක් සේවයේ නියුක්තව සිටින ආහාර නිෂ්පාදන කිරීමේ හෝ සකස් කිරීමේ කර්මාන්ත.
• දිනකට ලීටර් 200ට අඩු නිෂ්පාදන ධාරිතාවක් සහිත වාණිජ මට්ටමේ පොල්තෙල් නිස්සාරණය කිරීමේ කර්මාන්ත.
• ඕනෑම අවස්ථාවක වැඩුණු පක්ෂීන් 100ක් හෝ ඊට වැඩි සහ 500 කට අඩු සංඛ්‍යාවක් සිටින කුකුළු ගණයේ පක්ෂි ගොවිපලවල්.
• ඕනෑම අවස්ථාවක වැඩුණු සතුන් 05 ක් හෝ ඊට වැඩි සහ 10කට අඩු සංඛ්‍යාවක් සිටින ඌරු හෝ ගව ගොවිපලවල්.
• ඕනෑම අවස්ථාවක වැඩුණු සතුන් 25 ක් හෝ ඊට වැඩි සහ 50 ට අඩු සංඛ්‍යාවක් සිටින එළු ගොවිපලවල්.
• වැඩුණු සතුන් මුළු එකතුව 100 ක් හෝ ඊට වැඩි සහ 500 ට අඩු සංඛ්‍යාවක් සිටින මිශ්‍ර ගොවිපලවල්.
• ගබඩා ධාරිතාවය ඝන මීටර් 100 ක් හෝ ඊට වැඩි පළතුරු හෝ එළවළු හෝ මාංශ හෝ වෙනත් ආහාර ද්‍රව්‍ය ගබඩා කරන ස්ථාන.
• කොන්ක්‍රීට් පෙරසවි කර්මාන්ත.
• යන්ත්‍රානුසාරයෙන් සිමෙන්ති බ්ලොක් ගල් නිෂ්පාදනය කිරීමේ කර්මාන්ත.
• දිනකට නිෂ්පාදන ධාරිතාවය මෙට්‍රික් ටොන් 20 ට අඩු ප්‍රමාණයක් සහිත හුණු පෝරණු
• සේවක සංඛ්‍යාව 5කට වැඩි ප්‍රමාණයක් සේවයේ නියුක්තව සිටින 'ප්ලාස්ටර් ඔෆ් පැරිස්' අමුද්‍රව්‍ය වශයෙන් යොදාගන්නා ඕනෑම කර්මාන්තයක්.
• උළු සහ ගඩොල් පෝරණු.
• වීදුරු ද්‍රව කිරීමේ ක්‍රියාවලිය රහිතව වීදුරු භාණ්ඩ නිෂ්පාදනය කිරීමේ කර්මාන්ත.
• කළු ගල් කැපීමේ සහ ඔප දැමීමේ කර්මාන්ත.
• පුපුරණ ද්‍රව්‍ය භාවිතා කර එක් බෝර වලක් බැගින් පුපුරවමින් සිදු කරනු ලබන ශිල්පීය කැණීම් කටයුතු.
• දිනකට ඝන මීටර් 25 ට අඩු ඉරුම් ධාරිතාවක් සහිත ලී මෝල් හෝ සේවක සංඛ්‍යාව 5 හෝ ඊට වැඩි සහ 10කට අඩු පිරිසක් සේවයේ නියුක්තව සිටින දැව ආශ්‍රිත කර්මාන්ත.
• දැව පදම් කිරීම සඳහා බෝරෝන් පිරියම් ක්‍රමය භාවිතා කරන කර්මාන්ත.
• බහුකාර්ය වඩු කාර්මික යන්ත්‍ර භාවිතා කරන වඩු කර්මාන්ත.
• සේවක සංඛ්‍යාව 5 ක් හෝ ඊට වැඩි සහ 10 ට අඩු පිරිසක් සේවයේ නියුක්තව සිටින නේවාසික පහසුකම් රහිත හෝටල් හෝ අවන්හල් හෝ උත්සව ශාලා හෝ සේවක සංඛ්‍යාව 10ක් හෝ ඊට වැඩි සහ 20 ට අඩු පිරිසක් සේවයේ නියුක්තව සිටින ආහාර පිළියෙල කිරීමේ ස්ථාන හෝ ආහාර සැපයීමේ සේවා.
• පදිංචි සංඛ්‍යාව දිනකට 25 ක් හෝ ඊට වැඩි සහ 100 ට අඩු පුද්ගලයන් ප්‍රමාණයක් සිටින නේවාසිකාගාර හෝ එවැනි ලැගුම්හල්.
• විසිරි පින්තාරු කිරීම් හෝ වාහන වායු සමීකරණ යන්ත්‍ර අලුත්වැඩියා කිරීම්, නඩත්තු කිරීම් හෝ සවි කිරීම් සිදු නොකරන වාහන අලුත්වැඩියා කිරීමේ හෝ නඩත්තු කිරීමේ කටයුතු සිදුකරන ගරාජ.
• වාහන සේවා සිදු නොකරන බහාලුම්(කන්ටේනර්) පර්යන්ත.
• ඊයම් උණු කිරීම ඇතුළත් නොවන මුද්‍රණාල සහ අකුරු මුද්‍රණය කිරීමේ යන්ත්‍ර.
• මෘත ශරීර කල් තබා ගැනීමට සකස් කිරීම සහිත මල් ශාලා.
• මෙම උපලේඛනයේ 'ඈ' කොටසේ ඇතුලත් නොවන එක් වැඩ මුරයකට සේවක සංඛ්‍යාව 10 හෝ ඊට වැඩි සහ 50 ට අඩු පිරිසක් සේවයේ නියුක්තව සිටින ඕනෑම ක්‍රියාකාරකමක්/කර්මාන්තයක.

පාරිසරික ආරක්ෂණ බලපත්‍රය සඳහා ඉල්ලුම් පත්‍රය

• අංක 1534/18 දරන අතිවිශේෂ ගැසට් නිවේදනයේ II වන උපලේඛනයේ සඳහන් සහ 2008.02.01 දිනැති අංක 2264/17 සහ 27.20201 දරන අතිවිශේෂ ගැසට් නිවේදනය මගින් සංශෝධිත පරිදි 2008.02.01 දිනැති ‘අ’ ආකෘති පත්‍රය අනුව පළාත් පාලන ආයතන විසින් අයදුම්පත් මුද්‍රණය කළ යුතුය. ජාතික පාරිසරික පනත යටතේ ප්‍රකාශයට පත් කර ඇත.
• නැතිනම් පහත ඩවුන්ලෝඩ් ලින්ක් එකෙන් අයදුම්පත්‍රය බාගත කරගත හැක.

DOWNLOAD

අයදුම් පත්‍රය සමඟ සැපයිය යුතු ලියකියවිලි

• ඉඩමේ අයිතිය
• ඉඩම රජයට හෝ වෙනත් ආයතනයකට අයත් නම් කර්මාන්ත භාවිතය සඳහා ඉඩම් නිදහස් කිරීම පිළිබඳ ලේඛන.
• ඉඩම වෙනත් අයෙකුගේ නම්, කර්මාන්තය පවත්වාගෙන යාම සඳහා ඔහු විසින් පැවරීම සිදුකරන ලද ලේඛන.
• අයදුම්කරු සතු ඉඩමක් නම් ඒ බව තහවුරු කරන ලද ලේඛන.
• ව්‍යාපාරයක් ලෙස ලියාපදිංචි වී තිබේනම් ව්‍යාපාර නාම ලියාපදිංචි සහතිකය, ව්‍යාපාරයක් ලෙස ලියාපදිංචි වී නොමැති නම් කර්මාන්තය තමන් විසින් ක්‍රියාත්මක කර පවත්වාගෙන යන බවට සහතික කරන ලද ලේඛනයක් එනම් දිවුරුම් ප්‍රකාශන/ ග්‍රාමසේවක විසින් දෙන ලද සහතික ආදිය.
• අදාළ පළාත් පාලන ආයතනය වෙතින් ලබාගත් වෙළඳ බලපත්‍රය.
• අනුමත කරන ලද ගොඩනැගිලි සැලැස්මේ පිටපතක්.
• මීට අමතරව පළාත් පාලන ආයතනය විසින් අවශ්‍ය යැයි සලකන යම් අමතර ලේඛනයක්.

තවත් විමසීම් :